Netumferðarskólinn heimsótti Árskóla

Mánudaginn 20. nóvember fengum við gesti frá Netumferðarskólanum sem er samstarfsverkefni Persónuverndar og Fjölmiðlanefndar og miðar að því að efla fræðslu um persónuvernd og miðlalæsi sem hluta af netöryggi barna í stafrænni tilveru. Fjallað var um mikilvægi þess að vera gagnrýninn á upplýsingar á netinu, að fá samþykki fyrir myndbirtingum, óumbeðnar myndsendingar og aldurstakmörk á hinum ýmsu miðlum. Gestirnir hittu nemendur í 4. - 7. bekk og ræddu við hvern árgang í eina kennslustund. Eftir hádegi var fyrirlestur um netöryggismál fyrir starfsfólk skólans. Foreldrar nemenda í 4. - 7. bekk hafa fengið upplýsingar um efnið frá Netumferðaskólanum.

Verkefnið þetta er hluti af aðgerðaráætlun stjórnvalda í netöryggi og styrkt af Háskóla-, iðnaðar- og nýsköpunarráðuneytinu. Nánari upplýsingar um verkefnið: Fræðsluferð um land allt um mikilvægi persónuverndar, miðlalæsis og netöryggis barna í stafrænni tilveru