Móttaka nemenda í 1. – 10. bekk sem hefja nám eftir að skólastarf er hafið

Foreldrar/forsjáraðilar innrita barn sitt í skólann hjá skólastjórnendum. Ritari skráir nýja nemendur inn í Mentor. Deildarstjóri kynnir nemendur og foreldra/forsjáraðila þeirra fyrir starfsfólki skólans ásamt því að farin er kynnisferð um skólahúsnæðið. 

Nemendur, ásamt foreldrum/forsjáraðilum þeirra, eru boðaðir til viðtals hjá umsjónarkennurum áður en formleg skólaganga nemenda hefst. Umsjónarkennarar veita helstu upplýsingar um skólastarfið. Einnig benda þeir á upplýsingar um skólann á heimasíðu skólans og afhenda nemendum stundaskrá og námsgögn. Umsjónarkennarar kynna nemendur fyrir nýjum bekkjarfélögum.

Í Árskóla fá nýir nemendur svokallaða Árskólafélaga sem eru tveir nemendur úr sama árgangi. Árskólafélagar fylgja nýnemum eftir skv. fyrirfram ákveðnu skipulagi, fá bækling, þar sem verklagið er útlistað, og vinna undir stjórn umsjónarkennara að því að nýneminn upplifi sig velkominn í skólann.