Árskóladagur - afmælishátíð Árskóla

Árskóli er 25 ára á þessu skólaári. Af því tilefni verður afmælishátíð skólans haldin þriðjudaginn 16. maí kl. 16:00-19:00 með opnu húsi. Allir árgangar verða með viðburði á sínum svæðum eða í matsal á þessum tíma. Nemendur munu sýna dans, en Logi danskennari verður á svæðinu og mun stjórna dansi eins og honum einum er lagið. Einnig verður opið hús í Árvist.

Gestum gefst tækifæri til að skoða nemendaverkefni sem verða til sýnis í stofum, margir bekkir eru með söngatriði, 7. og 8. bekkingar verða með veitingasölu og bjóða upp á vöfflur og grillaðar pylsur. 9. og 10. bekkingar verða með loppumarkað og 2. bekkur verður með sölubás með bókum. Allur ágóði af sölu rennur til góðgerðamála. 

Viðburðir í bekkjarstofum og opnum svæðum

Söngatriði í matsal

Kl. 16:15   Söngur frá Sumarsælukaffi - Vikivaki (vorið kemur) - 1. bekkur.

                     Söngur, lög frá Sumarsælukaffi - 2. bekkur.

Kl. 16:30   Lag frá Sumarsælukaffi; Vorvindar glaðir og lag úr leikritinu - 3. bekkur.

                     Lag úr árshátíðarleikritinu og Lóan er komin - 4. bekkur.

Kl. 17:00   Söngatriði úr árshátíð - 5. bekkur.

                     Söngatriði úr árshátíð - 6. bekkur.

Kl. 17:15    Söng- og dansatriði úr Grease - 7. bekkur.

Kl. 17:45    Söngatriði - 9. bekkur.

Venjulegur skóladagur er hjá öllum nemendum þennan dag kl. 8:10-14:00 eða skv. stundaskrá. 

Miðvikudagurinn 17. maí er íþróttadagur skólans frá kl. 8:10 til hádegis. Nánar auglýst með sérstöku dreifibréfi.  

Foreldrar/forsjáraðilar athugið: Gert er ráð fyrir viðveru nemenda þennan þriðjudag á ákveðnum tímum á meðan opið hús stendur yfir. Kennarar senda yfirlit yfir tímasetningar. Árskóladagurinn er svokallaður tvöfaldur dagur og kemur í stað föstudagsins 21. apríl sem var frídagur í skólanum.

Allir velkomnir!

Vonumst eftir að sjá ykkur sem flest.